Без рубрики

Лукашэнка павіншаваў калектыў мемарыяльнага комплексу «Брэсцкая крэпасць-герой» з 50-годдзем з дня заснавання | Навіны Беларусі | Беларускія навіны | Беларусь — афіцыйныя навіны | Мінск | БелТА

24 верасня, Мінск . Прэзідэнт Беларусі Аляксандр Лукашэнка павіншаваў калектыў мемарыяльнага комплексу «Брэсцкая крэпасць-герой» з 50-годдзем з дня заснавання. Аб гэтым паведамілі ў прэс-службе беларускага лідара.

Кіраўнік дзяржавы адзначыў, што 22 чэрвеня 1941 года цытадэль стала шчытом на шляху гітлераўскай арміі, гарнізон змагаўся за Радзіму да апошняй кроплі крыві. «Мы да гэтага часу не ведаем усіх імёнаў мужных абаронцаў, якія зрабілі крок у бессмяротнасць дзеля нас і сваёй краіны», — канстатаваў беларускі лідар.

Дзякуючы карпатлівай працы калектыву мемарыяльнага комплексу сучаснікі адкрываюць новыя старонкі абароны крэпасці і захапляюцца подзвігам гераічнага пакалення пераможцаў, звярнуў увагу Прэзідэнт. «Разам з мільёнамі наведвальнікаў з блізкага і далёкага замежжа, якія пабывалі ў мемарыяле за паўстагоддзя, мы схіляем галаву і ў думках гаворым дзякуй кожнаму, хто ваяваў тут, за жыццё і чыстае неба над галавой», — гаворыцца ў віншаванні.

«Упэўнены, ваша дзейнасць, накіраваная на захаванне праўды аб Вялікай Айчыннай вайне і ролі ў ёй нашага народа, дапамагае выхоўваць сапраўдных патрыётаў. Дае магчымасць Беларусі і далей будаваць з гонарам сваю будучыню на фундаменце народнага адзінства, агульначалавечых каштоўнасцей, міру і згоды», — падкрэсліў Аляксандр Лукашэнка.

Источник

Похожие статьи

Добавить комментарий

Ваш адрес email не будет опубликован.

Кнопка «Наверх»
Закрыть