Міністр ЕЭК расказаў аб планах па стварэнні зон свабоднага гандлю ЕАЭС з трэцімі краінамі
Фота з архіва
12 кастрычніка, Масква /Эдуард Півавар . Член Калегіі (міністр) па гандлі Еўразійскай эканамічнай камісіі Андрэй Сляпнёў сёння на прэс-канферэнцыі расказаў аб планах па стварэнні зон свабоднага гандлю Еўразійскага эканамічнага саюза з трэцімі краінамі,
“З Егіптам перагаворы ўжо на актыўнай стадыі, – паведаміў міністр ЕЭК. – Спадзяюся, што ў бліжэйшым будучым мы зможам расказаць аб дасягнутых прынцыповых дамоўленасцях. Гэта шырокая здзелка, яна будзе суправаджацца, вядома, работай краін па двухбаковым парадку дня: Расія працуе актыўна, Беларусь працуе актыўна, развіваюцца вытворчасці. У цэлым, гэта (Егіпет. – Заўвага ) вароты ў афрыканскі, арабскі рэгіён, вельмі важная краіна”.
Андрэй Сляпнёў таксама нагадаў, што цяпер вядзецца работа па заключэнні поўнафарматнага пагаднення з Іранам: цяпер у ЕАЭС з гэтай краінай дзейнічае часовае пагадненне аб рэжыме свабоднага гандлю. Акрамя таго, вядуцца перагаворы з Індыяй.
“Мы вядзём даследаванні па пераходу да перагавораў з такімі краінамі, як Манголія і Інданезія. Інданезія – важны рынак, там больш за 280 млн чалавек. Тое, што мы маем сёння, – гэта вельмі амбіцыйны парадак дня, я лічу”, – дадаў міністр ЕЭК.
