Без рубрики

Белстат: у школах Беларусі працуюць больш за 111 тыс. настаўнікаў, 86,5 працэнта з іх складаюць жанчыны


Фота з архіва

1 кастрычніка, Мінск . У школах Беларусі працуюць больш за 111 тыс. настаўнікаў, 86,5 працэнта з іх складаюць жанчыны. Аб гэтым БЕЛТА паведамілі ў Нацыянальным статыстычным камітэце.

«Колькасць настаўнікаў (уключаючы сумяшчальнiкаў) ва ўстановах агульнай сярэдняй адукацыі краіны ў 2020/2021 навучальным годзе склала 111,4 тыс. чалавек (у тым ліку ў гарадах і пасёлках — 77,9 тыс. чалавек, сельскай мясцовасці — 33,5 тыс. чалавек). У агульнай колькасці настаўнікаў, якія выкладаюць асобныя прадметы, прадстаўнікі моцнага полу на пачатак 2020/2021 навучальнага года склалі 18,3 працэнта, — расказалі ў Нацстаце. — у Беларусі функцыянуе 3009 устаноў агульнай сярэдняй адукацыі, дзе навучаецца больш за 1 млн вучняў. У сярэднім на аднаго настаўніка прыпадае 10 вучняў: у гарадскіх школах — 11, у сельскіх — 5 вучняў».

Сярэдняя заработная плата настаўніка ў студзені-жніўні 2021 года склала Br1139,5.

Статыстычны партрэт беларускага настаўніка. Пол — жанчына (86,5 працэнта). Месца працы — дзяржаўная ўстанова агульнай сярэдняй адукацыі (99,6 працэнта). Кваліфікацыйная катэгорыя — вышэйшая або першая (78,7 працэнта). Стаж работы па спецыяльнасці — больш за 15 гадоў (68,6 працэнта).

Топ-5 прадметаў па колькасці настаўнікаў-мужчын: фізічная культура — 62,7 працэнта, дапрызыўная і медыцынская падрыхтоўка — 58,3 працэнта, працоўнае навучанне — 42,4 працэнта, фізіка — 34,3 працэнта, гісторыя і іншыя грамадскія дысцыпліны — 29,3 працэнта, настаўнікаў-жанчын: руская мова і літаратура — 97,9 працэнта, беларуская мова і літаратура — 97,4 працэнта, замежныя мовы — 95 працэнтаў, хімія — 91,5 працэнта, біялогія — 91,1 працэнта.

«У адпаведнасці з Парадкам дня ў галіне ўстойлівага развіцця на перыяд да 2030 года, прынятым дзяржавамі — членамі ААН, адной з найважнейшых умоў павышэння якасці жыцця людзей з’яўляецца атрыманне адукацыі. Мэта «Забеспячэнне ўсёахопнай і справядлівай якаснай адукацыі і заахвочванне магчымасці навучання на працягу ўсяго жыцця для ўсіх» накіравана на павышэнне даступнасці і якасці адукацыі ў адпаведнасці з патрэбнасцямі інавацыйнай эканомікі і патрабаваннямі інфармацыйнага грамадства, развіццё сістэмы бесперапыннай адукацыі», — дадалі ў ведамстве.

У Беларусі Дзень настаўніка традыцыйна адзначаецца ў першую нядзелю кастрычніка. У гэтым годзе свята прыпадае на 3 кастрычніка.

Источник

Похожие статьи

Добавить комментарий

Ваш адрес email не будет опубликован.

Кнопка «Наверх»
Закрыть