Без рубрики

Азнаёміцца з творчасцю Ферэнца Ліста можна на выставе да 210-годдзя кампазітара ў Мінску


Фота з архіва

29 верасня, Мінск . Тэматычную выставу «Найвялікшы піяніст, кампазітар, педагог і дырыжор XIX стагоддзя» да 210-годдзя з дня нараджэння Ферэнца Ліста прадставілі ў Беларускай дзяржаўнай акадэміі музыкі, паведамілі БЕЛТА ва ўстанове.

У экспазіцыі сабраны кнігі, манаграфіі, артыкулы з часопісаў, навуковых прац, даследчыя нарысы, ноты з фонду рэдкіх выданняў, а таксама CD-дыскі і грамзапісы яго твораў.

«Ферэнц Ліст быў адной з буйнейшых фігур у музыцы другой паловы XIX стагоддзя. Яго творчасць ахоплівае практычна ўсе жанры і формы таго часу. Ён пісаў духоўную, камерна-інструментальную музыку, вакальныя і харавыя творы. Кампазітар падтрымліваў усё новае і арыгінальнае: аказваў падтрымку калегам-музыкантам і маладым выканаўцам. Яго нават называлі віртуознай машынай за індывідуальную выканальніцкую манеру», — расказалі арганізатары.

Важнае месца ў спадчыне кампазітара займаюць творы для аркестра. Ён стварыў і развіваў жанр адначасткавай сімфанічнай паэмы. «Фартэпіянная музыка Ферэнца Ліста па праву набыла любоў многіх слухачоў. Цыкл «Гады падарожжаў», саната h-moll, Венгерскія рапсодыі, фартэпіянныя транскрыпцыі, эцюды — усе гэтыя творы і сёння ўваходзяць у рэпертуар вядучых піяністаў свету», — сказалі яны на заканчэнне.

Выставачны праект будзе працаваць да 1 лістапада.

Источник

Похожие статьи

Добавить комментарий

Ваш адрес email не будет опубликован.

Кнопка «Наверх»
Закрыть