Нікарагуа падтрымлівае намаганні Беларусі па працістаянні агрэсіўным дзеянням шэрага краін
18 кастрычніка, Мінск . Нікарагуа падтрымлівае намаганні Беларусі па процістаянні агрэсіўным дзеянням шэрага краін. Аб гэтым сказаў журналістам міністр замежных спраў Нікарагуа Дэніс Раналда Манкада Каліндрэс сёння па выніках сустрэчы з кіраўніком МЗС Беларусі Уладзімірам Макеем,
Дэніс Раналда Манкада Каліндрэс назваў змястоўнай праведзеную сустрэчу з кіраўніком беларускага знешнепалітычнага ведамства, у час якой дэталёва разгледжаны пытанні далейшага супрацоўніцтва паміж дзвюма краінамі, і падзякаваў беларускаму боку за дынамізм у развіцці кантактаў.
Ён упэўнены, што інтэнсіфікацыі двухбаковых кантактаў будзе садзейнічаць сумесная камісія па гандлёва-эканамічным супрацоўніцтве, якая створана ў адпаведнасці з падпісаным сёння мемарандумам паміж міністэрствамі замежных спраў.
“Мы таксама дамовіліся прадоўжыць работу па кансалідацыі намаганняў у рамках міжнародных арганізацый, міжнародных пляцовак і сумесна процідзейнічаць агрэсіўным дзеянням заходніх краін, ЗША для абароны нашых інтарэсаў і нашага права на самавызначэнне”, – дадаў міністр.
Дэніс Раналда Манкада Каліндрэс таксама заявіў: “Нікарагуа выказвае падтрымку і салідарнасць Беларусі адносна тых аднабаковых агрэсіўных мер, якія прымяняюцца да вашай краіны з боку заходніх дзяржаў, і мы будзем аказваць падтрымку вам, вашаму ўраду”.
Акрамя таго, кіраўнік МЗС Нікарагуа расказаў аб намеры ў ходзе цяперашняга візіту наведаць беларускія ВНУ і дамовіцца аб развіцці сувязей у галіне адукацыі.
Міністр замежных спраў Нікарагуа Дэніс Раналда Манкада Каліндрэс наведвае нашу краіну з афіцыйным візітам 18-19 кастрычніка.
