ЕЭК: самазабяспечанасць ЕАЭС прадуктамі харчавання дасягнула 93 працэнты
Фота з архіва
4 кастрычніка, Масква /Эдуард Півавар . Узровень самазабяспечанасці Еўразійскага эканамічнага саюза прадуктамі харчавання дасягнуў 93 працэнты. Такі лік агучыў сёння на прэс-канферэнцыі дырэктар Дэпартамента аграпрамысловай палітыкі Еўразійскай эканамічнай камісіі Армен Аруцюнян,
За апошнія некалькі гадоў узровень самазабяспечанасці краін ЕАЭС вырас і дасягнуў практычна 93 працэнты, – сказаў прадстаўнік ЕЭК. – Гэта значыць можна сказаць, што па большай частцы мы на сённяшні дзень на 93 працэнты забяспечаны прадуктамі харчавання. У нас нізкі ўзровень самазабяспечанасці пакуль яшчэ захоўваецца па некаторых пазіцыях: фрукты, агародніна і ягады”.
Армен Аруцюнян паведаміў, што ў бягучым годзе ЕЭК сумесна з Харчовай і сельскагаспадарчай арганізацыяй Аб’яднаных Нацый (ФАО) прапрацоўваюць падрыхтоўку ўсёабдымных рэкамендацый па выкарыстанні мер дзяржаўнай падтрымкі і іншых інструментаў, якія будуць стымуляваць развіццё агародніцтва і вырошчвання фруктаў. “Мы правялі ўжо ацэнку інструментаў, якія будуць нацэлены на павелічэнне вырошчвання пладоў і ягад”, – сказаў ён.
“Дынаміка паказвае, што на працягу бліжэйшых некалькіх гадоў забеспячэнне харчовай бяспекі ЕАЭС яшчэ палепшыцца”, – падкрэсліў кіраўнік дэпартамента.
Армен Аруцюнян нагадаў, што Савет ЕЭК нядаўна зацвердзіў агульныя прынцыпы і падыходы да харчовай бяспекі ў ЕАЭС. Прыняты дакумент замацаваў намеры дзяржаў-членаў забяспечваць харчовую бяспеку ў ЕАЭС дзякуючы ўласнай вытворчасці сельскагаспадарчай прадукцыі і прадуктаў харчавання, рэалізацыі патэнцыялу ўзаемнага гандлю, зніжэнню залежнасці ад імпарту матэрыяльна-тэхнічных рэсурсаў з трэціх краін для аграпрамысловага комплексу.
Кіраўнік дэпартамента таксама адзначыў: за мінулы год ЕЭК правяла вялікую работу, каб знізіць уплыў пандэміі каранавіруса на сельскагаспадарчы сектар. “Паспяхова была праведзена работа з пункту гледжання забеспячэння харчовай бяспекі нашых краін, мы цяпер працуем у напрамку павышэння эфектыўнасці, устойлівасці гэтага сектара”, – заявіў ён. У прыватнасці, прымаюцца меры для бесперабойнай работы ва ўмовах пандэміі інфраструктуры па дастаўцы прадуктаў харчавання.
