Без рубрики

Беларускі тэнісіст Ягор Герасімаў прабіўся ў 1/8 фіналу турніру ў Сафіі


Ягор Герасімаў. Фота з архіва

29 верасня, Мінск . Беларускі тэнісіст Ягор Герасімаў (112-ы нумар сусветнага рэйтынгу) прабіўся ў другі раўнд турніру ў Сафіі з прызавым фондам $419,4 тыс.,

У 1/16 фіналу беларус адолеў у трохсэтавым паядынку прадстаўніка Канады Вашака Поспішыла (68) – 5:7, 7:6 (10:8), 6:3. Сустрэча прадаўжалася 2 гадзіны 40 мінут. У матчы за выхад у чвэрцьфінал Ягор Герасімаў сустрэнецца з 14-й ракеткай планеты Янікам Сінерам з Італіі. Герасімаў прабіўся ў асноўную сетку спаборніцтваў у балгарскай сталіцы, атрымаўшы дзве перамогі ў кваліфікацыі. Сёння першым сапернікам лепшага беларускага тэнісіста Ільі Івашкі (45) будзе іспанец Пабла Андухар (92).

На жаночым турніры ў амерыканскім Чыкага з прызавым фондам $565 тыс. Вікторыя Азаранка (34) перамагла ў дзвюх партыях кітаянку Чжан Шуай (49) – 6:2, 6:1. У 1/16 фіналу беларуска згуляе з амерыканкай Хэйлі Баптыст (174). Аляксандра Сасновіч (106) у 1/32 фіналу перамагла амерыканскую тэнісістку Мэдзісан Кіз (48), а сёння ў другім крузе сустрэнецца з прадстаўніцай Казахстана Аленай Рыбакінай (17). Яшчэ адна беларуска Вольга Гаварцова (136) прайграла ў першым раўндзе нямецкай тэнісістцы Андрэа Петкавіч (64). У 1/8 фіналу парнага разраду Вольга Гаварцова і амерыканка Куін Глісан уступілі ўкраінскаму дуэту Людміла Кічанок / Марта Касцюк – 7:6 (7:5), 4:6, 9:11.

Источник

Похожие статьи

Добавить комментарий

Ваш адрес email не будет опубликован. Обязательные поля помечены *

Кнопка «Наверх»
Закрыть