Баскетбалісты «Цмокі-Мінск» прайгралі ЦСКА ў Адзінай лізе ВТБ
24 верасня, Мінск . Баскетбалісты «Цмокі-Мінск» няўдала стартавалі ў новым сезоне Адзінай лігі ВТБ,
У сваім першым паядынку падапечныя Расціслава Вергуна на паркеце «Мінск-Арэны» пацярпелі разгромнае паражэнне ад дзеючага пераможцы «банкаўскага» турніру маскоўскага ЦСКА з розніцай 48 балаў — 44:92 (11:33, 6:13, 10:28, 17:18). Самым рэзультатыўным у складзе мінчан стаў Вадзім Стубеда, які набраў 13 балаў.
У другім туры мінскія «драконы» 2 кастрычніка згуляюць у Краснадары супраць мясцовага клуба «Лакаматыў-Кубань», які ўступіў у Казані УНІКСу з вынікам 87:96.
Удзельнікі рэгулярнага чэмпіянату Адзінай лігі ВТБ правядуць двухкругавы турнір з матчамі дома і ў гасцях. У канцы красавіка 2022 года барацьбу за ўзнагароды прадоўжаць 8 лепшых клубаў. У вырашальнай серыі мінулага сезона ЦСКА тройчы запар абыграў УНІКС (85:77, 76:57, 89:81).
