Без рубрики

Вулкан на Канарскіх астравах пачаў вывяргаць пароды ўзростам больш за 2 млн гадоў


Фота з архіва Getty Images

15 кастрычніка, Мінск /Кар. БЕЛТА/. Іспанскі вулкан Кумбрэ-В’еха на востраве Пальма пачаў вывяргаць пароды ўзростам больш за 2 млн гадоў, паведамляецца ў Twitter-акаўнце Вышэйшага савета па навуковых даследаваннях (CSIC).

Вулканолаг з іспанскага Вышэйшага савета па навуковых даследаваннях Вісентэ Салер у сваім відэазвароце адзначыў: на паверхню пасля вывяржэнняў пачалі выходзіць адклады, якія знаходзіліся на марскім дне яшчэ задоўга да ўтварэння вострава.

“Вулкан на востраве Пальма прадаўжае магутнае вывяржэнне, ён вывяргае на паверхню акіянічныя адклады, якія знаходзіліся на марскім дне яшчэ да фарміравання астравоў, 2 млн гадоў таму”,- прыводзіць словы вучонага тэлеканал RT.

На востраве Пальма 19 верасня пачалося вывяржэнне вулкана ў раёне населенага пункта Эль-Паса. Улады заявілі, што лава спустошыла ўвогуле амаль 600 га зямлі. Паводле даных Канарскага вулканічнага інстытута, за тры тыдні з пачатку вывяржэння вулкана патокі лавы разбурылі 1186 будынкаў і прымусілі эвакуіраваць каля 6,7 тыс. чалавек.-0-

Источник

Похожие статьи

Добавить комментарий

Ваш адрес email не будет опубликован. Обязательные поля помечены *

Кнопка «Наверх»
Закрыть