Пашынян адзначыў ролю Беларусі ў развіцці супрацоўніцтва ў СНД
Нікол Пашынян. Фота ТАСС
15 кастрычніка, Мінск . Прэм’ер-міністр Арменіі Нікол Пашынян адзначыў ролю Беларусі ў развіцці супрацоўніцтва ў СНД у перыяд старшынства ў Садружнасці ў бягучым годзе. Аб гэтым ён заявіў сёння на саміце СНД, які праходзіць у фармаце відэаканферэнцыі,
“Беларусь, нягледзячы на шэраг эпідэміялагічных абмежаванняў, прыклала максімум намаганняў для развіцця супрацоўніцтва”, – сказаў прэм’ер-міністр.
Нікол Пашынян адзначыў, што 30-годдзе СНД – гэта добрая нагода падзяліцца меркаваннямі аб выніках праведзенай работы, намеціць шляхі далейшага развіцця Садружнасці.
Паводле яго слоў, адным з моцных бакоў СНД заўсёды было супрацоўніцтва ў гуманітарных пытаннях, якія акрамя ўсяго іншага забяспечваюць сувязь мінулага з будучым.
Прэм’ер-міністр таксама выказаў падтрымку з боку Арменіі па пытаннях, уключаных у парадак дня пасяджэння.