Без рубрики
Пачалося вывяржэнне вулкана Кілаўэа на Гаваях
Фота «МІР24»
30 верасня, Мінск /Кар. БЕЛТА/. На востраве Гаваі ў аднайменным штаце ЗША сёння пачалося вывяржэнне вулкана Кілаўэа, паведамляе тэлеканал «Мір 24» са спасылкай на Геалагічную службу ЗША.
Паводле даных ведамства, вывяржэнне Кілаўэа адбываецца ў кратары Халемаўмау. «Тое, што было астылым возерам лавы, цяпер стала новым трэшчынным вывяржэннем», — гаворыцца ў паведамленні.
Спецыяліст Гавайскай вулканічнай абсерваторыі Кен Хон расказаў парталу Hawaii News Now, што цяпер лава ў межах кратара, таму ў жыхароў бліжэйшых населеных пунктаў няма падстаў для апасенняў.-0-
