Новым прэм’ер-міністрам Нарвегіі стане Ёнас Гар Стэрэ
Фота flickr.com
14 кастрычніка, Мінск /Кар. БЕЛТА/. Лідар Рабочай партыі (РП) Нарвегіі, якая перамагла на парламенцкіх выбарах, Ёнас Гар Стэрэ зойме пасаду прэм’ер-міністра краіны. Аб гэтым гаворыцца ў паведамленні прэс-службы ўрада, паведамля ТАСС.
“Новы ўрад Нарвегіі назначаны, палажэнне аб гэтым уступае ў сілу з 12.00. Прэм’ер-міністр – Ёнас Гар Стэрэ”, – сказана ў паведамленні.
Аб тым, як будуць размеркаваны астатнія міністэрскія пасады, будзе вядома на працягу дня.
Левацэнтрысцкі блок на чале з апазіцыйнай Рабочай партыяй атрымаў перамогу на выбарах у парламент 13 верасня, а РП атрымала магчымасць сфарміраваць урад Нарвегіі і вызначаць палітыку краіны ў бліжэйшыя чатыры гады. Да гэтага каралеўствам з 2013 года кіраваў правы блок, якім кіравала кансерватыўная партыя “Хейрэ” на чале з Эрнай Сульберг.-0-