Лукашэнка павіншаваў Ксенію Галецкую з перамогай на музычным конкурсе Sanremo Junior у Італіі | Навіны Беларусі | Беларускія навіны | Беларусь – афіцыйныя навіны | Мінск | БелТА
Ксенія Галецкая (справа). Фота з Instagram-акаўнту
18 кастрычніка, Мінск . Прэзідэнт Беларусі Аляксандр Лукашэнка павіншаваў Ксенію Галецкую з перамогай на міжнародным музычным конкурсе Sanremo Junior у Італіі. Аб гэтым паведамілі 17 кастрычніка ў прэс-службе кіраўніка дзяржавы.
“Ты праславіла Беларусь, паказала ўсяму свету, што ў нас таленавітая і працавітая моладзь, якая любіць сваю краіну, – гаворыцца ў віншаванні. – Словы ўдзячнасці і павагі хачу перадаць бацькам, педагогам, прадзюсарскаму цэнтру “Спамаш” і ўсім, хто дапамагаў табе пакарыць высокую творчую вяршыню”.
Аляксандр Лукашэнка выказаў упэўненасць, што Ксенію Галецкую наперадзе чакае яшчэ шмат перамог, яркіх выступленняў і верных паклоннікаў. Кіраўнік дзяржавы пажадаў юнай спявачцы здароўя, натхнення і поспехаў у вучобе і творчасці.
