Лукашэнка наведвае Мінскую абласную клінічную бальніцу | Навіны Беларусі | Беларускія навіны | Беларусь – афіцыйныя навіны | Мінск | БелТА
Навіны сюжэта
“Каранавірус: апошнія навіны”
Еўропу накрывае новая хваля каранавіруса
У графіку Лукашэнкі зноў медыцынская тэматыка. Прэзідэнт наведвае клінікі ў Мінскім раёне
20 кастрычніка, Мінск . Прэзідэнт Беларусі Аляксандр Лукашэнка наведвае Мінскую абласную клінічную бальніцу,
У бальніцу Аляксандр Лукашэнка прыехаў адразу пасля наведвання размешчанага побач Рэспубліканскага навукова-практычнага цэнтра анкалогіі і медыцынскай радыялогіі. Тут кіраўнік дзяржавы азнаёміўся са станам спраў у РНПЦ і арганізацыяй медыцынскай дапамогі анкахворым.
У ліпені 2020 года абласная клініка пачала аказваць дапамогу пацыентам з каранавіруснай інфекцыяй. За студзень-верасень тут пралечана больш за тысячу чалавек. Для хворых на каранавірус у бальніцы вылучана 220 ложкаў. Інфекцыйныя аддзяленні разгорнуты на базе рэўматалагічнага, пульманалагічнага, неўралагічнага, нефралагічнага, кардыялагічнага і хірургічнага аддзяленняў. Акрамя таго, у клініцы вылучаны 22 рэанімацыйныя ложкі для COVID-хворых на базе аддзялення анестэзіялогіі і рэанімацыі.
Прэзідэнту даложаць аб рабоце абласной бальніцы ва ўмовах COVID-19 і парадку аказання медыцынскай дапамогі хворым на каранавірус у перапрафіляваных аддзяленнях.
Паводле даных на 19 кастрычніка, у інфекцыйных аддзяленнях бальніцы на лячэнні знаходзяцца 203 пацыенты, з іх 21 чалавек у цяжкім стане, на ШВЛ – 11 пацыентаў.