Лукашэнка даручыў прапрацаваць сустрэчу з Прэзідэнтам Венесуэлы Нікаласам Мадурам | Навіны Беларусі | Беларускія навіны | Беларусь – афіцыйныя навіны | Мінск | БелТА
Фота з архіва
7 кастрычніка, Мінск . Прэзідэнт Беларусі Аляксандр Лукашэнка даручыў падрыхтаваць усё неабходнае, каб у бліжэйшы час магла адбыцца сустрэча з Прэзідэнтам Венесуэлы Нікаласам Мадурам. Аб гэтым ён заявіў сёння на нарадзе ў Мінску на тэму процідзеяння санкцыйным мерам,
Кіраўнік дзяржавы згадаў, што перад нарадай сустракаўся са спецыяльным пасланнікам Прэзідэнта Венесуэлы Аданам Чавесам – братам памерлага лідара гэтай краіны Уга Чавеса.
“Мы аднадушна заявілі аб тым, што нам трэба аднаўляць той узровень адносін, які ў нас быў, і значна паляпшаць яго. У Венесуэле ёсць усё тое, што нам патрэбна. У нас ёсць усё тое, што патрэбна Венесуэле. Што нас стрымлівае? Трэба знайсці шляхі ўзаемаразлікаў, залікаў і гэтак далей і аднаўляць гандаль”, – сказаў Прэзідэнт.
“Трэба падрыхтаваць усё неабходнае для таго, каб прэзідэнты маглі ў бліжэйшы час сустрэцца і замацаваць напрамкі нашага супрацоўніцтва”, – дадаў Аляксандр Лукашэнка.