Лукашэнка арыентуе Белкаапсаюз на развіццё сегмента інтэрнэт-гандлю | Навіны Беларусі | Беларускія навіны | Беларусь – афіцыйныя навіны | Мінск | БелТА
Фота з архіва
8 кастрычніка, Мінск . Прэзідэнт Беларусі Аляксандр Лукашэнка арыентуе Белкаапсаюз на развіццё сегмента інтэрнэт-гандлю. Аб гэтым ён заявіў, прымаючы ўдзел у агульным сходзе прадстаўнікоў членаў Беларускага рэспубліканскага саюза спажывецкіх таварыстваў,
“Я не параўноўваю вас з буйнымі сеткамі ў Мінску. Прывезці тавар адразу ў адзін гандлёвы аб’ект і зняць прыбытак нескладана. А вось даехаць да кожнай аддаленай вёсачкі не кожны зможа. Але і тут ёсць рашэнні. Паглядзіце, як за апошнія некалькі гадоў развіўся інтэрнэт- і электронны гандаль”, – сказаў кіраўнік дзяржавы.
За год, паводле даных Белстата, такім чынам прададзена тавараў на $1,1 млрд, і гэты сегмент рынку расце ў сярэднім па 20 працэнтаў у год.
Аляксандр Лукашэнка згадзіўся з тым, што пажылым людзям, магчыма, будзе складана карыстацца гэтымі паслугамі з дапамогай інтэрнэту. “Але ёсць дзеці, якія могуць заказаць чалавеку. І вы па гэтым заказе зможаце ажыццявіць пастаўку. Пачніце гэта не на шкоду сабе і паглядзіце. І для мяне будзе важна, як для эканаміста, які прывык верыць канкрэтным фактам. Паглядзім, што атрымаецца ў выніку вашага гэтага эксперымента ў Белкаапсаюзе”, – даручыў кіраўнік дзяржавы.
“Калі вы будзеце працаваць у Мінску, то вы дакладна будзеце канкурыраваць”, – дадаў ён. У якасці прыкладу ён прывёў папулярныя цяпер паслугі па заказе і хуткай дастаўцы піцы. “Заказаў – імгненна прывезлі ў гэтай каробцы. Дык калі вы будзеце займацца і тут – для таго, каб эканоміку паправіць, праз інтэрнэт прадаваць – не піцу, а сваю смажанку. Паверце, заказаў будзе дастаткова. Гэта значыць усюды трэба варушыцца для таго, каб зарабіць капейку”, – падкрэсліў Прэзідэнт.
