Без рубрики

Галоўчанка: Брэсцкая крэпасць была і застанецца значнай для ўсіх пакаленняў беларусаў

24 верасня, Брэст . Прэм’ер-міністр Раман Галоўчанка наведаў сёння мемарыяльны комплекс «Брэсцкая крэпасць-герой»,

«Гэты мемарыял меў, мае і, безумоўна, будзе мець значэнне для многіх пакаленняў беларусаў. Цяжка адшукаць у нас у краіне роўнага яму па значнасці, канцэнтрацыі гераізму і мужнасці, любові да Радзімы. Словы абаронцаў крэпасці, якія яны пакінулі на аплаўленых сценах, гінучы за сваю краіну, бясцэнныя для ўсіх жыхароў Беларусі. Напэўна, не адразу гэта разумееш. У кожным узросце адкрываеш у крэпасці для сябе нешта новае. З гадамі мяняецца жыццёвы вопыт, і лепш разумееш, што зрабілі абаронцы для агульнай Перамогі. Упэўнены, гэты мемарыял будзе жыць у вяках», — сказаў Раман Галоўчанка. Ён дадаў, што легендарная цытадэль з’яўляецца сімвалам нашай краіны.

Сёння ў Брэсце праходзяць урачыстыя мерапрыемствы, прысвечаныя 50-годдзю мемарыяла «Брэсцкая крэпасць-герой». Прэм’ер-міністр усклаў кветкі да Вечнага агню. Прысутныя ўшанавалі памяць абаронцаў цытадэлі мінутай маўчання.

Раман Галоўчанка таксама наведаў маладзёжна-патрыятычны цэнтр, які знаходзіцца на Кобрынскім умацаванні. Ён пачаў працаваць у крэпасці тры гады таму. За год яго наведваюць каля 1 тыс. школьнікаў: займаюцца ў гуртках, на вучэбна-трэніровачных зборах, адпачываюць у лагеры на канікулах. З абласнога цэнтр плануюць пераўтварыць у рэспубліканскі. Цяпер выконваюцца праектныя работы, вырашаецца пытанне аб фінансаванні з наступнага года. Трэба правесці рэстаўрацыю двухпавярховай казармы 125-га стралковага палка, казематаў і зрабіць іншыя работы для развіцця інфраструктуры ўстановы.

«Трэба выкарыстоўваць патэнцыял крэпасці, каб унесці новую нотку ў патрыятычнае выхаванне моладзі. Прынята канцэптуальнае рашэнне аб стварэнні рэспубліканскага цэнтра, каб дзеці і падлеткі маглі правесці тут час. Ва ўрадзе абмяркоўваецца праект указа кіраўніка дзяржавы аб стварэнні гэтай установы, фінансаванні і тэрмінах будаўніцтва. Маштабны праект, які будзе рэалізоўвацца чэргамі на працягу пяцігодкі», — адзначыў прэм’ер-міністр.

Цяперашняя восень асаблівая для цытадэлі над Бугам. Мемарыяльны комплекс «Брэсцкая крэпасць-герой» быў урачыста адкрыты 25 верасня 1971 года. А 8 лістапада 65-годдзе адзначыць Музей абароны. За гэты час тут пабывалі больш за 25 млн турыстаў са 140 краін.

Источник

Похожие статьи

Добавить комментарий

Ваш адрес email не будет опубликован.

Кнопка «Наверх»
Закрыть