Без рубрики

Члены Канстытуцыйнай камісіі настойваюць на ліквідацыі нормы аб магчымасці адклікання дэпутатаў

Навіны сюжэта

«Канстытуцыя Беларусі — работа над праектам»

Лукашэнка: я ніколі ніадкуль не бег і не збягу

Фарміраванне ЦВК і Канстытуцыйнага суда. Лукашэнка расказаў аб магчымых паўнамоцтвах УНС

29 верасня, Мінск . Члены Канстытуцыйнай камісіі настойваюць на выключэнні з Асноўнага закона нормы аб магчымасці адклікання дэпутатаў Палаты прадстаўнікоў. У падтрымку гэтага пункту гледжання некаторыя з іх выказаліся 28 верасня на пашыраным пасяджэнні Канстытуцыйнай камісіі з удзелам кіраўніка дзяржавы,

Старшыня Пастаяннай камісіі Палаты прадстаўнікоў па заканадаўстве Святлана Любецкая адзначыла, што за апошнія гады прэцэдэнтаў адклікання дэпутатаў у Беларусі не было. Аднак падзеі 2020 года паказалі, што дэструктыўныя сілы патэнцыяльна могуць выкарыстаць гэту магчымасць для маніпулятыўнага ўздзеяння на Палату прадстаўнікоў, каб паралізаваць работу органа дзяржаўнай улады, які павінен прымаць своечасовыя рашэнні.

Неабходнасць выключэння працэдуры адклікання дэпутатаў набывае яшчэ большую актуальнасць у сувязі з тым, што фарміраванне складу Усебеларускага народнага сходу будзе таксама звязана з дэпутацкім корпусам. «Мы павінны думаць і аб тым, што прадстаўніцтва (на УНС. — Заўвага ) павінна быць забяспечана за кошт стабільнага складу Палаты прадстаўнікоў. Акрамя таго, у нас згодна з законам работа ў парламенце на прафесійнай аснове, гэта фактычна сацыяльны дагавор», — заўважыла парламентарый.

Старшыня Палаты прадстаўнікоў Уладзімір Андрэйчанка падтрымаў прапанову Святланы Любецкай. «Ва ўнітарнай дзяржаве дэпутат парламента павінен разглядацца як прадстаўнік усёй нацыі, а не асобнай выбарчай акругі, паколькі асноўная канстытуцыйная функцыя дэпутата — заканатворчасць — не абмяжоўваецца яго выбарчай акругай і ўплывае на жыццё ўсёй рэспублікі. Таму гэту норму нам трэба выключыць з Канстытуцыі», — упэўнены спікер ніжняй палаты парламента.

Источник

Похожие статьи

Добавить комментарий

Ваш адрес email не будет опубликован.

Кнопка «Наверх»
Закрыть