Без рубрики

Больш за 100 спартсменаў збярэ ў Магілёве Кубак Беларусі па дзюдо


Фота з архіва

23 верасня, Магілёў . Больш за 100 спартсменаў збярэ ў Магілёве 23-25 верасня Кубак Беларусі па дзюдо. Аб гэтым паведамілі ў адміністрацыі спартыўнага комплексу «Алімпіец», на базе якога адбудуцца спаборніцтвы.

У абласным цэнтры будуць спаборнічаць спартсмены ад 18 гадоў і старэйшыя з кваліфікацыяй не ніжэй за кандыдата ў майстры спорту з усіх рэгіёнаў краіны. Да ўдзелу могуць быць таксама дапушчаны спартсмены малодшыя за 17 гадоў, якія ў бягучым годзе сталі пераможцамі або прызёрамі рэспубліканскіх пяршынстваў да 21 года або да 23 гадоў, а таксама прызёрамі чэмпіянатаў Еўропы або свету ў любой узроставай катэгорыі.

Мужчыны і жанчыны будуць спаборнічаць у некалькіх вагавых катэгорыях — ад 60 кг і ад 48 кг адпаведна. Спаборніцтвы праводзяцца па алімпійскай сістэме з суцяшэннем ад паўфіналістаў. У суцяшальны этап дапускаюцца толькі тыя, хто ў верхняй сетцы ўступіў аднаму з чатырох паўфіналістаў. Гэта схема атрымала распаўсюджванне ў дзюдо, самба, грэплінгу, рукапашным баі.

У першы дзень Кубка адбудзецца пасяджэнне судзейскай калегіі і ўзважванне спартсменаў, у другі і трэці дні пройдуць самі баі і фінальныя блокі. У мэтах прафілактыкі распаўсюджвання COVID-19 спаборніцтвы пройдуць без гледачоў з захаваннем масачнага рэжыму.

Источник

Похожие статьи

Добавить комментарий

Ваш адрес email не будет опубликован.

Кнопка «Наверх»
Закрыть