Беларускія самбісты заваявалі 11 медалёў на маладзёжным ЧС у Грэцыі
Фота з архіва
18 кастрычніка, Мінск . Беларускія самбісты заваявалі 11 медалёў рознай вартасці на чэмпіянаце свету сярод юнакоў, дзяўчат, юніёраў і юніёрак, які завяршыўся ў Салоніках (Грэцыя),
У старэйшай узроставай групе на рахунку беларускіх майстроў самаабароны без зброі шэсць узнагарод. Серабро заваяваў Мікіта Бесман (98 кг). Бронзавыя медалі на рахунку Эдуарда Куцко (79 кг), а таксама Настассі Падалячынай (59 кг), Настассі Скварцовай (72 кг), Паліны Граматневай (80 кг) і Настассі Грышчанка (звыш 80 кг).
У спаборніцтвах малодшай узроставай групы серабро выйгралі Паліна Бурачкова (54 кг) і Паліна Граматнева (80 кг). Бронзавыя медалі заваявалі Уладзіслаў Мардусевіч (64 кг), Міхаіл Кухарэнка (79 кг) і Арсеній Маліцкі (88 кг).
Такім чынам, у медальным заліку беларускія спартсмены знаходзяцца на 9-м месцы. Тройку мацнейшых па якасці заваяваных медалёў склалі дружыны Расіі – 26 узнагарод (16-8-2), Узбекістана – 17 (6-3-8) і Украіны – 19 (2-6-11).
